50 aniversario da inauguración do edificio do centro

Programa | Un pouco de historia | Anagrama do centro

Inauguración da exposición de fotografías

No curso 1958-59 inaugurábase o edificio que hoxe acolle o noso instituto. Con este motivo queremos recordar estes 50 anos nos que o centro, ademáis da súa actividade académica, foi un foco de dinamización e difusión cultural para Lugo. Nestes anos o feminino, como sempre o coñeceron os lucenses, foi un espazo de socialización e formación de varias xeracións de rapazas primeiro e rapazas e rapaces mais tarde.

Co lema De aulas de mulleres a mulleres nas aulas pretendemos significar a gran transformación que se deu no ámbito educativo en xeral e no noso centro en particular e facer unha pequena homenaxe ás mulleres que souberon loitar contra a moral e os prexuízos imperantes na súa época de estudantes e agora son protagonistas do noso tempo.

Programa

Día 15 de maio:

• Charla do xuíz Luis Villares
• Presentación da revista TEMPUS
• Entrega de premios do certame literario

Día 18 de maio:

• Apertura da exposición EUROPA
• Representación da peza teatral Galicia no mundo

Día 19 de maio:

• Actuación do coro de alumnas

Día 20 de maio:

• Inauguración da exposición 50 aniversario e recepción de autoridades

Día 22 de maio:

• Xornada de xogos e deportes
• Encontro de ex-alumnas coa participación de Margarita Ledo, Marta Rivera, Carmen G. Negro e Marina Folgueira.
• Cea no Gran Hotel Lugo

Día 28 de maio:

• Apertura da exposición e debate sobre o 150 aniversario de "A orixe das especies", Ch. Darwin
• Actuación do coro de profesores/as

Día 29 de maio:

• Concerto das alumnas de 2º de BAC

Un pouco de historia

O Instituto Femenino fundouse no ano 1941, cando, coa chegada do réxime franquista, decidiuse crear un centro so para rapazas, que ata entón estudiaban xunto cos rapaces no Instituto de Lugo.

Durante estes primeiros anos as clases impartéronse primeiro en dependencias da actual Deputación Provincial e despois no Pazo de Ombreiro na rúa Conde Pallares (para os mais novos, onde se atopa actualmente Zara).

En 1955, loga dunha petición do claustro de profesores, o centro pasou a levar o nome de Nosa Señora dos Ollos Grandes, en honra da patroa da cidade de Lugo.

Tras diversas xestións e varios ano de construcción, inaugurouse o actual edificio no curso 1958-59, nun acto que foi presidido polo xeneral Franco.

Coa chegada da democracia viñeron ventos novos. No ano 1984 o Instituto de Bachillerato, como se chamaba naqueles tempos, comezou a acoller tamén rapaces.

O anagrama do centro

Foi creado en 2005 polo artista lucense Joaquín García-Gesto, profesor de Debuxo no instituto durante mais de vinte anos, recentemente xubilado.