Charla "Contar historias no século XXI"

Alumnado de 1º de Bacharelato do IES Nosa Sra dos Ollos Grandes asistiu á charla "Contar historias no século XXI" impartida por María Valcárcel, periodista e profesora asociada da USC.

Na sociedade da información, a xestión cultural é un proceso que achega valor. En cada fase aprendemos algo, achegamos algo, compartimos algo. A través da ideación e posta en marcha de proxectos culturais contamos historias que contribúen ao desenvolvemento individual e social. O século XXI precisa das nosas historias para ser entendido, di María.